Tarix:03/08/18

Çində dron polislər yol hərəkəti qaydalarına riayət edilməsini izləyir

Çinin Şandun əyalətinin Tzinan şəhərində yol hərəkəti qaydalarını izləyəcək və idarəetmə zamanı mobil telefon və planşetlərdən istifadə kimi pozuntuları qeydə alacaq 4 multikopter rəsmən fəaliyyətə başlayıb.
 
“ICTnews” Elektron Xəbər Xidməti “Belta www.belta.by” resursuna istinadən yazır ki, pilotsuz uçan aparatlar fəaliyyətə başladıqdan yarım saat sonra idarəetmə zamanı 5 mobil telefondan istifadə hadisəsi qeydə alınıb.
 
Tzinan yol polisi bölməsinin əməkdaşı Vey Tzilyan bildirib ki, layihə üçün eksperimental fəaliyyəti 3 ay davam edəcək polis xidmətinin xüsusi aviasiya dəstəsi yaradılıb. Onun sözlərinə görə, pilotsuz uçan aparatlar vasitəsilə çəkilən qanun pozuntularının şəkilləri sübutların toplanması ilə bağlı problemi effektiv həll edə bilər.
 
Nizam Nuriyev

Baxış sayı: 1141

© İstifadə edilərkən İctnews-a istinad olunmalıdır