12px13px15px17px
Tarix:04/12/18

“Google” şirkəti “Hangouts” messencerinin fəaliyyətini dayandıracaq

ABŞ-ın “Google” şirkətində “Hangouts” messencerinin hazırlanmasına nəzarət edən Skott Conston “9to5Google” nəşrinə deyib ki, “Google” şirkəti adıçəkilən messencerin fəaliyyətini dayandırmağa hazırlaşır.
 
Conston qeyd edib ki, sözügedən xidmət tədricən bağlanacaq, istifadəçilər isə “Hangouts Chat” və ya “Hangouts Meet” xidmətlərinə daşınılacaq.
 
“ICTnews” Elektron Xəbər Xidməti “dailycomm.ru” saytına istinadən yazır ki, bundan başqa, “Google”un nümayəndəsi məlumat verib ki, “Hangouts” messencerinin bağlanması şirkətin bu xidmətin əsas funksiyalarının (videozənglər və çatlar) dəstəyindən imtina edəcəyi anlamına gəlmir.
 
“The Verge” portalının məlumatına görə, “Google” 2020-ci ilədək messencerin fəaliyyətini dayandıra bilər, bundan sonra “Hangouts” messenceri “G Suite” bulud platforması çərçivəsində korporativ messencer formatında inkişaf etdiriləcək.
 
2019-cu ildə “Google” şirkəti “Hangouts”da yeni istifadəçilərin qeydiyyat imkanını deaktiv edəcək, yalnız mövcud hesab sahibləri bu proqramdan istifadə edə biləcəklər.
 
Emil Hüseynov





Baxış sayı: 339

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






28 Mart 2024

27 03 2024