12px13px15px17px
Tarix:11/11/11

Yarışəffaf ekranlı ilk videoeynək

“Epson” şirkəti noyabr ayının 25-də yarışəffaf ekranlarla olan ilk videoeynəklərin satışlarına başlayacaq. “Moverio” adlanan yenilik 960×540 piksel kəskinlikli 2 ədəd 0,52 düymlü ekranla təchiz olunub.

Formalaşdırılan şəkil ölçüsünə görə 20 metr məsafədən baxılan 320 düymlü paneldəki təsvirin ekvivalentidir. Ekranların yarımşəffaflığı sayəsində istifadəçilər ətrafında nə baş verdiyini görə bilərlər.

“Moverio” videonu adi və “3D” rejimdə canlandırmağa imkan yaradır. “MPEG4/MPEG” – “4 AVC/H.264”, həmçinin “AAC” və “MP3” formatları dəstəklənir. Proqram platforması “Android 2.2” versiyasıdır.

Eynək qulaqcıqlarla, 1 Qb daxili yaddaş, “MicroSD” slot və “Wi-Fi” simsiz əlaqə kontrolleri ilə təchiz edilib. Akkumulyator batareyasının avtonom iş müddəti videoya baxış zamanı 6 saata çatır. Yeniliyi 770 dollara əldə etmək mümkündür.



Baxış sayı: 1164

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






28 Mart 2024

27 03 2024