12px13px15px17px
Tarix:01/07/19

Smartfonlar üçün çox sürətli enerjidoldurma texnologiyası hazırlanıb

Çinin “Vivo” şirkəti smartfonların enerji ilə doldurulmasını sürətləndirən yeni texnologiya təqdim edib. Şanxayda keçirilmiş Ümumdünya Mobil Konqresində təqdim edilmiş “Super FlashCharge 120W” texnologiyası 4000 milliamper/saat tutumunda akkumulyatoru 13 dəqiqə müddətində enerji ilə tam doldurur. Müasir smartfonların əksəriyyətində akkumulyator batareyasının tutumu azdır.
 
“ICTnews” Elektron Xəbər Xidməti “hightech.plus” saytına istinadən yazır ki, müqayisə üçün, “Huawei” şirkəti tərəfindən cari ilin əvvəlində “Mate X” adlı qatlanan smartfonlar üçün təqdim edilmiş texnologiya 4500 milliamper/saat tutumunda akkumulyatoru 35-40 dəqiqə ərzində enerji ilə doldurur.
 
“Vivo” şirkətinin nail olduğu inanılmaz enerjidoldurma sürəti “USB-C” kabeli və 120 vatt gücündə enerjidoldurma qurğusu sayəsində təmin olunur.
 
Lakin “Super FlashCharge” texnologiyasının  batareyanın işləmə müddətinə necə təsir edəcəyi haqda məlumat yoxdur. Belə hesab edilir ki, akkumulyator nə qədər sürətli enerji toplayırsa, bir o qədər əvvəl sıradan çıxacaq.
 
Emil Hüseynov




Baxış sayı: 156

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






26 May 2020

25 05 2020