TEXNOLOJİ YENİLİKLƏR

Tarix:26/09/19

240 herslik ekranla təchiz edilən ilk smartfon nümayiş olunub

"Sharp" şirkəti dünyada ilk dəfə 240 herslik yenilənmə tezliyinə malik ekranla təchiz edilən qabaqcıl "Aquos Zero 2" smartfonunu nümayiş etdirib.

"ICTnews" Elektron Xəbər Xidməti "4PDA www.4pda.ru" resursuna istinadən yazır ki, yeni qurğu "Full HD+" (2340x1080 piksel) təsvir ölçülü, quraşdırılmış barmaq izi skaneri və smartfonlar üçün rekord hesab edilən 240 herslik yenilənmə tezlikli 6,4 düym diaqonallı "OLED" ekranla təchiz olunub. İstehsalçı nümayəndələri qurğunun istifadəçi barmaqlarının toxunuşuna minimal reaksiya vaxtını təmin edəcək sensor panelinin çağırışa rekord sürətlə cavab verməsini xüsusilə qeyd edirlər.

Operativ yaddaş tutumu 8 giqabayt, quraşdırılmış yaddaşı 256 giqabayt təşkil edən smartfon soyutma sisteminə malik qabaqcıl "Snapdragon 855" mobil platforması əsasında hazırlanıb. Qurğudan istifadə zamanı təhlükəsiz enerji doldurma texnologiyasını dəstəkləyən akkumulyatorun tutumu 3130 milliamper/saat təşkil edir. "Aquos Zero 2" smartfonunun korpusu "IP68" standartı üzrə su və toza qarşı davamlıdır.

Optik təsvir stabilləşdiricisi sistemi ilə təchiz edilən əsas kamera 12 meqapikselli (f/1.7, baxış bucağı 78 dərəcə, ekvivalent fokuslama məsafəsi 26 mm, təsvir stabilləşdiricisi) və 20 meqapikselli (f/2.4, baxış bucağı 125 dərəcə, ekvivalent fokuslama məsafəsi 18 mm, təsvir stabilləşdiricisi) iki ötürücü ilə təqdim olunub. Bundan əlavə, şəkillərdə fonun dağınıqlığı, eləcə də süni intellekt funksiyalarının düzəlişi üçün "ProPix2" sistemi dəstəklənir. Ön modul bir 8 meqapikselli sensor və sifətə görə blokdan çıxarılma imkanına malikdir.

Modelə, həmçinin kontaktsız ödənişlərin həyata keçirilməsi üçün "NFC" ötürücüsü quraşdırılıb. "Android 10" əməliyyat sisteminin idarəetməsi ilə işləyən smartfonun qabaritləri 158 х 75 х 8,8 mm, çəkisi isə 143 qram təşkil edir.

"Sharp Aquos Zero 2" smartfonunun satışa çıxarılma müddəti və qiyməti bir müddət sonra açıqlanacaq.

Nizam Nuriyev

Baxış sayı: 1061