Tarix:07/09/20

Ağrıya həssas süni dəri hazırlanıb

Müasir protezləmə texnologiyası aktiv şəkildə inkişaf edir. İnsanlara süni əl-ayağı tətbiq etməyə mane olan problemlərdən biri həssaslığın olmaması hesab edilir. Avstraliyalı alimlər ağrını, istiliyi və soyuğu hiss etmək qabiliyyətinə malik elektron dəri prototipi hazırlayıblar.
 
"ICTnews" Elektron Xəbər Xidməti "4pda.ru" saytına istinadən yazır ki, insan dərisi ətraf mühitin bu və ya digər dəyişiklikləri haqqında erkən bildiriş verən mürəkkəb mexanizmdir. O, qəfil ağrı zamanı beyinə siqnal göndərən çoxlu sayda sinirlə təchiz edilib. Müasir elektron texnologiyalar bu hisslərin hamısını imitasiya etmək imkanına malik deyil. RMIT Universitetindən olan avstraliyalı mütəxəssislər komandası ağrıya həssas süni dəri hazırlamaqla bu istiqamətdə irəliləyiş əldə ediblər.
 
Prototip təzyiq, istilik və ya soyuq kimi dəyişiklikləri fərqləndirə bilən nazik plyonka formasındadır. İndi süni dəri insanda olduğu kimi reaksiya verir.
 
Emil Hüseynov

Baxış sayı: 779

© İstifadə edilərkən İctnews-a istinad olunmalıdır