12px13px15px17px
Tarix:21/11/20

“Huawei” şirkəti “ARM” prosessorla təchiz edilmiş ilk masaüstü kompüterini təqdim edib

“Huawei” şirkəti öz istehsalı olan prosessorla təchiz edilmiş ilk masaüstü kompüterini istifadəyə verməyə hazırlaşır.
 
“ICTnews” Elektron Xəbər Xidməti “ria.ru” saytına istinadən yazır ki, “MateStation B515” adlandırılmış fərdi kompüter “HiSilicon” tərəfindən hazırlanmış və 7 nm-lik texnoloji proses üzrə istehsal edilmiş “Kunpeng 920” prosessoru ilə təchiz edilib. ARM arxitekturası üzrə hazırlanmış çip maksimal takt tezliyi 2,6 QHs olan 4 və ya 8 nüvə ilə təchiz edilə bilər.
 
“Apple”dan fərqli olaraq, “Huawei” şirkəti ARM prosessoru ilə işləyən kompüteri standart komponentlərlə təchiz edib. İstifadəçi özü əməli və daxili yaddaşın tutumunu artıra bilər.
 
Kompüter 23,8 düymlük monitorla tədarük ediləcək. “MateStation B515” kompüterinin ilk partiyaları Çinin dövlət idarələrinə və korporativ sifarişçilərə satılacaq.
 
Emil Hüseynov




Baxış sayı: 211

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






14 May 2021

13 05 2021