Tarix:10/12/20

Çində 10 ayda sənaye robotlarının istehsalı 21% artıb

Çin 2020-ci ilin 10 ayında sənaye robotlarının istehsalını 21% artırıb.
 
“ICTnews” Elektron Xəbər Xidməti “ria.ru” saytına istinadən yazır ki, ölkə yanvar-oktyabr aylarında 183,4 min robot istehsal edib. Bu haqda Çinin Sənaye və İnformasiya Texnologiyaları Nazirliyinin məlumatında deyilir. İstehsalçıların gəliri 2,3% yüksəlib.
 
Çin 2013-cü ildə dünyanın ən böyük robot texnikası bazarına çevrilərək o vaxtdan birinciliyi qoruyub saxlayır. Bununla belə Çin hələ ki sənayenin robotlaşdırılması göstəricisinə görə dünyada 9-cu yerdədir. Bu ölkədə 10 min işçiyə 187 robot düşür. Robotlaşdırma prosesi yüksək templə gedir.
 
Koreya Respublikası istehsalın robotlaşdırılması göstəricisi üzrə birinci yerdə yerləşir. Bu ölkədə 10 min işçiyə 855 robot düşür.

Baxış sayı: 607

© İstifadə edilərkən İctnews-a istinad olunmalıdır