TEXNOLOJİ YENİLİKLƏR

Tarix:25/12/20

350 km/saat sürətlə hərəkət edən ilk yük qatarı təqdim edilib

Çində 350 km/saat sürətlə hərəkət edən dünyanın ilk yük qatarı buraxılıb. İnnovativ yük qatarı “CRRC Tangshan” şirkəti tərəfindən təqdim olunub.

“ICTnews” Elektron Xəbər Xidməti “Planet Today www.planet-today.ru” resursuna istinadən yazır ki, supersürətli qatar 1500 kilometr məsafəni 5 saata qət etməklə hava nəqliyyatı göstəricisinə nisbətdə hər yük kütləsi vahidi üçün 8 faiz enerji sərf edir. “CRRC Tangshan” mühəndisləri tərəfindən qatar 3 il ərzində gərgin iş sayəsində işlənilib ərsəyə gətirildikdən sonra rəsmən konveyerdən buraxılıb və bu sürətdə hərəkət edən dünyanın ilk yük qatarı adına layiq görülüb.

Mühəndislərin sözlərinə görə, lokomotivin forması müəyyən qədər Çin nərə balığını xatırladır ki, bu da qatarın aerodinamik parametrlərinə müsbət təsir göstərir.

Qatarın yaradılmasında ən müasir rəqəmli texnologiyalar, məsələn, “UWB” genişzolaqlı rabitəsi, “Beidou” sistemi vasitəsilə peyk geolokasiyası, qabaqcıl mobil məlumat ötürmə texnologiyaları və s. tətbiq edilib – bütün bunlar daşınan yüklərin yerini dəqiq müəyyənləşdirməyə, eləcə də stansiyalar və qatar arasında etibarlı rabitə qurmağa imkan verəcək. Yeni “CRRC Tangshan” qatarının uzunluğu 600-1500 kilometr təşkil edən xətlərdə yükdaşımaları üçün istifadəsi nəzərdə tutulur.

Nizam Nuriyev

Baxış sayı: 40583