Tarix:27/12/11

“Prospero” - dünyada ilk robot-fermer

Robot texnikasının müasir inkişaf səviyyəsi müxtəlif robotlar yaratmağa imkan verir. Məsələn, ABŞ-da tamamilə avtonom “Prospero” robot-fermeri yaradılıb. O, toxum səpməyi bacarır.

“Prospero” fermerinin yaradıcısı Ayova ştatında yaşayan Amerika ixtiraçısı Devid Dorxautdur. O iddia edir ki, robot-fermer proqram təminatının əmrlərinə əsaslanaraq, bostanın müəyyən yerlərində müəyyən bitkilərə toxum səpə və onların yerini yadda saxlaya bilər.

“Prospero” robotunun digər robot-fermerlərlə əlaqə yaratmaq imkanı nəzərdə tutulub. Hələ ki bunun üçün infra-qırmızı diapazondan istifadə olunur, lakin Devid Dorxaut robotun təkmilləşdirilməsi zamanı daha müasir texnologiyalardan istifadə etmək niyyətindədir.

“Prospero” robot-fermerinin yaradıcısı hesab edir ki, robot-fermerlər bütün dünya ölkələrində kənd əməyi məhsuldarlığını əhəmiyyətli dərəcədə artıra bilərlər.

Hal-hazırda Devid Dorxautanın “Prospero” konstruksiyasının təkmilləşdirilməsi ilə məşğuldur. Onun sözlərinə əsasən, artıq müxtəlif ölkələrdən olan fermerlər onun robotu ilə maraqlanırlar.

Baxış sayı: 1306

© İstifadə edilərkən İctnews-a istinad olunmalıdır