12px13px15px17px
Tarix:16/01/12

“iPhone 5” daha nazik korpusa malik olacaq

“Morgan Stanley” bankının analitiklərinin fikrincə, “iPhone” smartfonunun yeni versiyası cari ilin üçüncü rübündə istehsal ediləcək və əvvəlki modellərdən daha nazik olacaq.

“Morgan Stanley” eyni zamanda öz analitik materialında qeyd edib ki, “iPhone 5” smartfonu ilə bağlı digər texniki detallar hələ ki açıqlanmır.

Eyni zamanda analitiklər əmindirlər ki, “iPhone 5” smartfonu yalnız “3G” şəbəkələri ilə deyil, həm də internetə çıxış üçün daha yüksək sürət təklif edən “LTE” şəbəkələri ilə də işləyəcək. Praktiki olaraq bu o deməkdir ki, müxtəlif şəbəkə və operatorlar üçün müxtəlif “iPhone” modelləri istehsal etmək lazım olmayacaq.

“Morgan Stanley” bankının analitiki Keti Xyuberti qeyd edir ki, “iPhone 5” smartfonunda ehtimal ki, “Qualcomm 3G/LTE” çipi işləyəcək.

Keçən həftə “Piper Jaffray” analitik şirkətinin dərc etdiyi proqnoza əsasən,  “iPhone 5” smartfonunun satışları 2012-ci ilin avqust və ya sentyabr ayında başlana bilər. Həmçinin bu şirkət qeyd edib ki, “iPhone 5” bir qədər fərqli  form-faktora malik olacaq.




Baxış sayı: 1397

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024