Tarix:30/06/11

“WiGig” simsiz əlaqə dəstəkli qurğular 2012-ci ildə çıxacaq

“WiGig” (Wireless Gigabit) ittifaqı yaxın hərəkət radiusunun simsiz əlaqə standartının 1.1 spesifikasiyasını elan edib. “WiGig” texnologiyası lisenziyasız “60 QHz” tezlik diapazonundan istifadəni nəzərdə tutur. Məlumatların ötürülməsi sürəti 7 Qbit/s çata bilər ki, bu da “Wi-Fi” (IEEE 802.11n) şəbəkələrinin ötürmə qabiliyyətindən 10 dəfə yuxarıdır. 1.1 spesifikasiyasının nəşri ilə yanaşı, “WiGig” qurğuların qarşılıqlı təsiri və ekrana qoşulması üzrə tələbləri müəyyən edən genişlənmələr elan edilib. “WiGig” qurğusu 4-cü rüb ərzində testdən keçiriləcək.
Bazarda simsiz əlaqənin bu standartının dəstəyi ilə qurğular 2012-ci ildə çıxacaq. “WiGig” texnologiyasının fərdi kompyuterlərdə, mobil qurğularda, istehlak elektronikasında tətbiq olunacağı güman edilir. Məlumat üçün bildirək ki, “WiGig” ittifaqı təxminən 2 il əvvəl yaranıb. Bu ittifaqa “Broadcom”, “Dell”, “İntel”, “LG Electronics”, “Microsoft”, NEC, “Nokia”, “Panasonic”, “Samsung” və s. kimi şirkətlər daxildir.

Baxış sayı: 1173

© İstifadə edilərkən İctnews-a istinad olunmalıdır