Tarix:15/08/18

Robotların elektron dərisi toxunuşlara daha həssas olacaq

Alimlər tərəfindən hazırlanmış süni dəri insan dərisi ilə müqayisədə toxunuşlara daha həssasdır.
 
“ICTnews” Elektron Xəbər Xidməti “techcult.ru” saytına istinadən yazır ki, professor Zeynep Çelik-Batlerin rəhbərliyi altında Texas universitetinin alimlərdən ibarət komandası tərəfindən hazırlanmış "ağıllı" dərinin  tərkibinə 0,2 mkm (müqayisə üçün, insan saçının qalınlığı 40-50 mikron təşkil edir) qalınlığında sink oksidin (ZnO) nanoobyektlərindən düzəldilmiş milyonlarla kiçikölçülü elastik datçik daxildir. Bu halda hər bir sensor avtonom şəkildə (kənar enerji tələb etmir) işləyir.
 
Nəticədə süni dəri zəif toxunuşa, həmçinin temperatur dəyişikliklərinə çox həssas reaksiya verir ki, bu da yenilikdən avtomatlaşdırılmış tutma mexanizmləri, protez və yığcam sensor qurğuların istehsalında istifadə etməyə imkan verəcək.
 
Emil Hüseynov

Baxış sayı: 1110

© İstifadə edilərkən İctnews-a istinad olunmalıdır