12px13px15px17px
Tarix:21/05/20

Koronavirusun monitorinqi üçün sistem istifadəyə verilib

"Google" və "Apple" şirkətləri "COVID-19" koronavirus infeksiyasına yoluxan insanlarla kontaktların izlənilməsi üçün mobil əlavələr yaratmağa imkan verən ilk sistem (Exposure Notification API) təqdim ediblər.

 

"ICTnews" Elektron Xəbər Xidməti "Vesti" resursuna istinadən yazır ki, "iOS" və "Android" əməliyyat sistemlərinə sistem səviyyəsində tətbiq ediləcək yeni sistem sayəsində istifadəçilər xəstələrlə potensial kontaktlar barədə məlumatlar əldə edəcəklər. Maraqlıdır ki, şirkətlər tərəfindən proqramlar yaradılmır və yalnız tərtibatçılar üçün tibbi təşkilatların rəsmi əlavələrinə inteqrasiya olunan texniki vasitələr təqdim edilir.

 

Məlumata görə, təşəbbüsdə iştirak könüllülük prinsipinə əsaslanır: insan yoluxduğunu bildiyi zaman bu barədə məlumat verəcək. Bu halda səhiyyə xidmətinə məxsus xüsusi proqramı quraşdıran və müəyyən vaxt ərzində yoluxan şəxsin yanında olan bütün istifadəçilərə bildiriş göndəriləcək.

 

Həm "iPhone", həm də "Android" smartfonları arasında "Bluetooth Low Energy" (BLE) yaxın əhatə dairəsi protokolu vasitəsilə məlumat mübadiləsi aparılacaq. "GPS" və ya mobil rabitə qüllələri siqnallarından fərqli olaraq "Bluetooth" insanın fiziki olduğu yeri müəyyənləşdirməyə imkan vermir.

 

Yeni sistem geolokasiyanın izlənilməsi əvəzinə, siqnalları yaxınlıqdakı smartfonlardan 5 dəqiqəlik intervalla qəbul etdikdən sonra onları məlumat bazasında qeyd edəcək. "COVID-19" haqqında müsbət diaqnoz barədə məlumat verən insanın anonimliyini qorumaq üçün ona məxsus qurğunun məlumatları yox, göstəricisi hər 15 dəqiqədən bir dəyişən anonim açar ötürüləcək.

 

Tibb müəssisələri "COVID-19"-a yoluxma riskini standartlara uyğun qiymətləndirmək hüququnu qoruyacaq.

 

Nizam Nuriyev





Baxış sayı: 207

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






07 İyun 2020

06 06 2020

06/06/20
“Facebook”da bütün mediakontentin “Google Photo” xidmətinə daşınması imkanı əlçatan olub

“Facebook” sosial şəbəkəsində foto və videoların “Google Photo” “bulud” xidmətinə köçürülməs

06/06/20
Sinqapurda koronavirusa yoluxmaların izlənilməsi üçün sakinlərə çip paylamaq istəyirlər

Sinqapurda koronavirusa yoluxmaların izlənilməsi üçün sakinlərə çip paylamaq 

06/06/20
“Motorola” iki yeni ucuz smartfonunu təqdim edib

“Motorola” şirkəti başlanğıc səviyyəli iki yeni smartfonunu təqdim edib