Tarix:02/03/12

BMT: Bəzi dövlətlər "Ümumdünya hörümçək toru"ndan ayrılmaq istəyir

"İCTnews" elektron xəbər xidməti xəbər verir ki, çərşənbə günü Cenevrədə BMT İnsan Hüquqları Şurasının 19-cu sessiyası çərçivəsində internetdə söz azadlığının müdafiəsinə həsr edilmiş iclası keçirilib.

Müzakirəni açan BMT-nin İnsan hüquqları üzrə baş komissarı Navi Pilley bir çox ölkələrin müntəzəm və ya siyasi hadisələrlə əlaqədar veb-saytlara çıxış imkanını blok etdikləri ilə bağlı öz narahatçılığını ifadə edib.

"Bəzi dövlətlər, hətta "Ümumdünya hörümçək toru"ndan ayrılmaq imkanını nəzərdən keçirirlər. Əvəzində isə öz internet məkanlarını yaratmağı planlaşdırırlar" - baş komissar qeyd edib.

Navi Pilley internetdə söz azadlığından qanuni olaraq istifadə edən bir çox bloqqer və hüquq müdafiəçilərinin həbs və işgəncələrə məruz qalmaları ilə bağlı da öz narahatçılığını ifadə edib.
O, internetin informasiyanın əldə edilməsi və yayılmasında olan əhəmiyyətli rolunu qeyd edib.
 
EMİL

Baxış sayı: 1088

© İstifadə edilərkən İctnews-a istinad olunmalıdır