İNTERNET

Tarix:06/03/12

“İstehsal fəaliyyəti ilə məşğul olan vergi ödəyiciləri barədə Məlumat Bazası” yenilənir

Vergilər Nazirliyi elektron xidmətlərin təkmilləşdirilməsini davam etdirir. Bu tədbirlərdən biri kimi, nazirlik tərəfindən yaradılmış “İstehsal fəaliyyəti ilə məşğul olan vergi ödəyiciləri barədə Məlumat Bazası” da daimi olaraq yenilənir.

“İCTnews” elektron xəbər xidmətinin məlumatına görə, sözügedən baza vergi orqanlarının nəzarət əhatəsinə daxil olan ərazilərdə faktiki istehsal fəaliyyəti ilə məşğul olan vergi ödəyiciləri, onların istehsal etdiyi məhsulların növü və ticari adı, istehsal sahəsinin faktiki fəaliyyət göstərdiyi ünvan barədə geniş və operativ məlumat əldə etməyə imkan verir. Məlumat Bazasının Axtarış Sistemi 7 menyudan ibarətdir.

Menyuya “Vergi ödəyicisinin adı”, “VÖEN”, “İstehsal etdiyi məhsulların növü”, “Məhsulun ticari adı”, “Aid olduğu vergi orqanı”, “Şəhər, Rayon” bölmələri daxildir.

Sistemdən istifadə qaydalarına gəlincə, istifadəçi Məlumat Bazasından tapmaq istədiyi vergi ödəyicisinin adı və ya “VÖEN”-i bildikdə müvafiq olaraq, Axtarış Sisteminin birinci və ya ikinci menyularına həmin məlumatları daxil edir və “Axtar” düyməsini sıxır. Əks halda, həmin menyuları boş saxlamaqla digər menyulardan istifadə edir.

İstifadəçi Məlumat Bazasından “İstehsal etdiyi məhsulun növü” üzrə ümumilikdə məlumatı axtarmaq istədikdə eyniadlı menyunu sıxmaqla müvafiq siyahıdan istədiyi məhsul növünü seçir və sonra “Axtar” düyməsini sıxır. Bu zaman axtarışın nəticəsi kimi vergi orqanlarının əhatə etdiyi ərazilərdə həmin məhsul növünün istehsalı ilə məşğul olan bütün ödəyicilərin siyahısı çıxır və s.

Bundan başqa, bazada hər hansı bir uyğunsuzluq və ya məlumatın yoxluğu aşkarlanarsa, “Hər hansısa bir uyğunsuzluq və ya məlumatın yoxluğu barədə bizə məlumat verin” menyusundan istifadə etməklə müvafiq məlumatları təqdim etmək mümkündür.

HƏQİQƏT

Baxış sayı: 1534