Tarix:16/03/12

2011-ci ildə mikroprosessor bazarının həcmi 40 milyard dolları ötüb

“IDC” tədqiqat şirkəti mikroprosessor bazarının 2011-ci il üzrə statistikasını elan edib.
“İCTnews” elektron xəbər xidmətinin məlumatına görə, hesablamalara əsasən, mikroprosessor istehsalçılarının oktyabrdan dekabra kimi olan dövrdə mənfəəti  10,9 milyard dollar təşkil edib.

Bu nəticə rüblük hesablamada 1.8% və illik hesablamada isə 14,2% çoxdur. 2011-ci ildə mikroprosessor bazarının həcmi ümumilikdə 41 milyard dollara bərabər olub; 2010-cu il ilə müqayisədə artım 13,2% təşkil edib.

Ən böyük mikroprosessor təchizatçısı ənənəvi olaraq “İntel” korporasiyası olub: onun payı keçən il ərzində 0,6% azalaraq 80,1% təşkil edib. İkinci yerdə 0,7% artım qeydə alınmış “AMD” şirkəti qərarlaşıb: keçən ilin nəticəsinə görə şirkət mikroçip bazarının 19,7%-nə nəzarət edib. “VIA Technologies” şirkəti üçüncü olub.
 


EMİL

Baxış sayı: 981

© İstifadə edilərkən İctnews-a istinad olunmalıdır