12px13px15px17px
Tarix:28/03/12

Azərbaycan müəllimləri innovativ layihələrini təqdim edəcəklər

“Avropa Təhsildə Əməkdaşlıq Forumu”na "Gəlin planetimizi birlikdə qoruyaq" innovativ tədris layihəsi ilə qatılan Azərbaycanın innovativ müəllimləri - Azərbaycan Dillər Universitetinin müəllimi Gülbəniz Camalova və Bakının 55 saylı məktəbinin müəllimi Nailə Həsənova “Sinifdənkənar tədris” (Extending Learning beyond the Classroom) nominasiyası üzrə III yerə layiq görülüblər. Qaliblər sırasında Azərbaycan müəllimləri Avropanı “Ümumdünya Təhsildə Əməkdaşlıq Forumu”nda təmsil edəcəklər. Bu barədə “İCTnews” elektron xəbər xidmətinə İKT İnformasiya Mərkəzindən məlumat verilib.

Mərkəzdən bildirilib ki, “Ümumdünya Təhsildə Əməkdaşlıq Forumu” 2012-ci ilin noyabr ayında Yunanıstanın Afina şəhərində keçiriləcək. “Microsoft Azərbaycan” şirkətinin “Təhsildə Əməkdaşlıq Proqramı” üzrə əlaqələndiricisi Emin Axundovun sözlərinə görə, layihənin ən önəmli xüsusiyyəti orta məktəb və universitet müəllimlərinin pedaqoji tədrisin keyfiyyətinin artırılmasına xidmət etməsidir: ”Layihə çərçivəsində əldə edilmiş təcrübə pedaqoji fakültələr olan ali məktəblərdə müvəffəqiyyətlə tətbiq edilə bilər.

Qeyd edim ki, Azərbaycan müəllimləri Portuqaliyanın paytaxtı Lissabon şəhərində keçirilən 2012-cu ilin “Avropa Təhsildə Əməkdaşlıq Forumu”nda iştirak ediblər. “Microsoft” korporasiyası tərəfindən keçirilən “Avropa Təhsildə Əməkdaşlıq Forumu”nda 40 ölkədən olan müəllimlərin təqdim etdiyi 80-dən artıq layihə iştirak edib”.

Gülbəniz Camalova və Nailə Həsənova ilə yanaşı, Azərbaycanı bu müsabiqədə Bakı Avropa Liseyinin müəllimi Kəmalə Cəfərzadə də təmsil edib. Belə ki, ölkəmizi təmsil edən iştirakçılar Azərbaycanda “2008-2012-ci illərdə Azərbaycan Respublikasının təhsil sisteminin informasiyalaşdırılması üzrə Dövlət proqramı”nın dəstəyi ilə "Microsoft Azərbaycan" və "Mədəd Azərbaycan" tərəfindən keçirilən müsabiqənin qalibləri olublar. Onların beynəlxalq foruma təqdim etdiyi və fəal təlim metodlarına əsaslanan innovativ layihələri ekologiya və millətlərarası mədəni dialoq mövzularını əhatə edib.
 
HƏQİQƏT
 




Baxış sayı: 1193

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024