İKT

Tarix:06/07/11

Rabitə müəssisələrində SMS mühafizə sistemi tətbiq edilib

“Maliyyə xidmətlərinin inkişafı layihəsinin həyata keçirilməsi ilə rabitə müəssisələrinin ciddi şəkildə mühafizəsini təşkil etmək gündəmə gəlib. “Azərpoçt” MMC-dən verilən məlumatda bildirilir ki, fiziki mühafizə ilə yanaşı, poçt şöbələrində texniki təhlükəsizliyin təmin edilməsi məqsədilə mühafizə siqnalizasiya qurğusu quraşdırılıb. Bunlardan bəziləri polis mühafizə pultuna qoşulmuş və 10-a yaxın şöbədə məsul şəxslərin mobil telefonlarına SMS gəlməklə səsli mühafizə siqnalizasiya qurğusu istifadəyə verilib. Qeyd edək ki, RİTN tərəfindən rabitə müəssisələrinin ciddi mühafizəsi məqsədilə geniş tədbirlər planı təsdiq olunaraq icrası nəzarətə götürülüb.

Baxış sayı: 1057