İKT

Tarix:30/03/12

“RİM” şirkətinin xalis mənfəəti azalıb

Kanadanın mobil elektronika istehsalçısı “Research in Motion” (RİM) şirkətinin xalis mənfəəti 2012-ci ildə 66% azalaraq 1,16 milyard ABŞ dolları təşkil edib. Bu barədə “RİM” şirkətinin saytında məlumat verilib.
“İCTnews” elektron xəbər xidməti bildirir ki, “RİM” şirkətinin mənfəəti 1 il ərzində 7% azalaraq 18,4 milyard dollar təşkil edib. 1 səhm üçün hesablanan mənfəət isə 2.22 dollara bərabər olub. Müqayisə üçün qeyd edim ki, bu göstərici əvvəlki ildə 6.34 dollar olub.

Məlumat üçün bildirim ki, 2012-ci il yanvarın sonunda şirkətin baş direktoru postuna Torsten Heyns təyin edilib. O, bu vəzifədə Mayk Lazaridis və Cim Balsillini əvəz edib və bu maliyyə hesabatı Torsten Heyns üçün birincidir.

“RİM” rəhbərliyinin dəyişilməsi son illər ərzində şirkətdə yaşanan korporativ böhran ilə bağlı ola bilər. “RİM” şirkətinin mobil qurğular bazarındakı bir vaxtlar öz sabitliyi seçilən mövqeyi hazırda “Apple” şirkəti və “Android”-qurğu istehsalçılarının təzyiqi altında zəifləyir.

Heynsin sözlərinə görə, bütün bunlara baxmayaraq, “BlackBerry 10” adlı yeni əməliyyat sistemi bu il təqdim ediləcək.

Məlumat üçün bildirim ki, “RİM” şirkəti son hesabat rübü ərzində bazara 11,1 milyon “BlackBerry” smartfonu və təxminən 500 min “BlackBerry PlayBook” planşeti tədarük edib.

EMİL

Baxış sayı: 1092