12px13px15px17px
Tarix:04/04/12

Yerli bankdan onlayn ödəniş edənlərə sürpriz

"DəmirBank"ın internet saytında “BillPay” sistemi ilə onlayn ödəniş edənlər toplanan bonuslardan istifadə edərək lotereyada iştirak edə bilər. Lotereyanın qalibləri 2 tiraj vasitəsilə - 21 iyun və 21 dekabr 2012-ci il tarixlərində müəyyən ediləcək. Lotereyada 2 ədəd “HP” mininotu, 2 ədəd “Canon” fotoaparatı, 2 ədəd parfüm mağazasından və 2 ədəd məişət texnikası mağazasından 100 manatlıq kuponlar oynanılacaq.

Plastik kart sahibləri “BillPay” onlayn ödəniş xidməti vasitəsi ilə “https://billpay.demirbank.az” internet səhifəsində qeydiyyatdan keçərək kommunal, stasionar və mobil rabitə, İnternet provayder və kabel TV xidmətlərinin onlayn ödənişini həyata keçirə bilər.

Ödənilən hər 1 manat üçün istifadəçi 100 bonus xalı əldə edir. Lotereyada iştirak etmək istəyənlər şanslarını özləri müəyyən edir. Belə ki, “HP” mininotu üçün 1500, “Canon” fotoaparatı üçün 400, kuponlar üçün isə 200 bonus xalı tələb olunur. Misal, əgər müştəri “BillPay” sistemində 25 manatlıq ödəniş edibsə, malik olduğu 2500 bonus hesabına aşağıdakı qaydada şanslar əldə edə bilər:

• Variant A: “HP” mininotu udmaq üçün - 1 şans, “Canon” fotoaparatı üçün - 2 şans, parfüm mağazasının kuponu üçün - 1 şans

• və yaxud Variant B: “HP” mininotu udmaq üçün - 1 şans, parfüm mağazasının kuponu üçün - 2 şans, məişət texnikası mağazasının kuponu üçün - 3 şans və sair

Müştəri 1-ci tirajda iştirak şanslarını müəyyən edərkən bonuslarını qismən və ya ümumiyyətlə, istifadə etməzsə, onun malik olduğu bonuslar itmir və növbəti tirajda iştirak şansları əldə etmək üçün istifadə edilə bilər.

"DəmirBank" plastik kartlar üzrə "5 manata" və "Pulsuz" kampaniyalarını keçirir. "5 manata kart" kampaniyası üzrə müştərilər yalnız 5 manat ödəməklə “VİSA Classic” və “MasterCard” standard kartlarını əldə edə bilər. "Pulsuz" kampaniyasına əsasən müştəri kartı tam pulsuz əldə edə bilər, lakin bu halda kart hesabına zəruri məbləğdə ilkin mədaxil etməlidir.
 




Baxış sayı: 1113

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






26 Oktyabr 2021

25 10 2021