İKT

Tarix:06/04/12

“Kosmik texnika və texnologiyalar mühəndisliyi” ixtisası yaradıldı

"Ali təhsilin magistratura səviyyəsi üzrə ixtisasların (ixtisaslaşmaların) Təsnifatı"nın, "Rezidenturada həkim-mütəxəssis hazırlığı aparılan ixtisasların Təsnifatı"nın və "Azərbaycan Respublikası Nazirlər Kabinetinin qüvvədən düşmüş bəzi qərarlarının Siyahısı"nın təsdiq edilməsi haqqında" Azərbaycan Respublikası Nazirlər Kabinetinin 2011-ci il 14 iyun tarixli 95 nömrəli qərarında dəyişiklik edilməsi barədə qərar verib.

“İCTnews” elektron xəbər xidmətinin məlumatına görə, Nazirlər Kabineti bu qərarı "Təhsil haqqında" Azərbaycan Respublikası Qanununun tətbiq edilməsi barədə" Azərbaycan Respublikası Prezidentinin 2009-cu il 5 sentyabr tarixli 156 nömrəli Fərmanına əsasən, "Azərbaycan Hava Yolları" Qapalı Səhmdar Cəmiyyətinin təklifini nəzərə alaraq verib.

Qərarda Nazirlər Kabinetinin 2011-ci il 14 iyun tarixli 95 nömrəli qərarı (Azərbaycan Respublikasının Qanunvericilik Toplusu, 2011, № 6, maddə 568) ilə təsdiq edilmiş "Ali təhsilin magistratura səviyyəsi üzrə ixtisasların (ixtisaslaşmaların) Təsnifatı"nın 6. “Texniki və texnoloji ixtisaslar qrupu" hissəsinə "060652 Kosmik texnika və texnologiyalar mühəndisliyi" sözləri əlavə edilsin.

SEYMUR

Baxış sayı: 1544