İKT

Tarix:09/04/12

“Samsung”un optimist ümidləri

Cənubi Koreyanın "Samsung Electronics" şirkəti 2012-ci ilin I rübünün nəticəsinə görə, mobil bölməsinin uğuru sayəsində rekord həcmdə əməliyyat mənfəəti əldə edəcəyinə ümid edir.

"İCTnews.az" elektron xəbər xidməti bildirir ki, "Samsung" şirkətinin hesablamasına görə, 2012-ci ilin ilk 3 ayı ərzində şirkətin əməliyyat mənfəəti 5,6 – 6 trilyon Cənubi Koreya vonu (Amerika valyutasında 5 - 5,3 milyard dollar) arasında dəyişiləcək. Müqayisə üçün qeyd edim ki, 2011-ci ilin birinci rübündə Cənubi Koreya nəhənginin əməliyyat mənfəəti 2,95 trilyon von təşkil edib. Əvvəlki rekord (5,3 trilyon von) 2011-ci ilin son rübündə qeyd edilib.

"Samsung"un hesablamasına görə, şirkətin satışlardan əldə olunacaq rüblük mənfəəti 44 - 46 trilyon von (39 - 40,7 milyard ABŞ dolları) təşkil edəcək.

Şirkət tərəfindən dərc edilmiş göstəricilər ilkindir; hələ ki xalis mənfəət və digər bölmələrin mənfəəti haqqında məlumat verməyib. Rübün nəticəsi üzrə son nəticələr bu ay ərzində bir qədər sonra elan ediləcək.

EMİL

Baxış sayı: 1246