İKT

Tarix:09/04/12

“İntel” korporasiyası öz baş direktoruna 17 milyon ABŞ dolları ödəyib

ABŞ-ın Qiymətli kağızlar və birjalar üzrə Komissiyasına (U.S. Securities and Exchange Commission) verilmiş sənədlərə əsasən, 2011-ci ildə “İntel” korporasiyası öz baş direktoru Pol Otelliniyə mükafat kimi 17491900 ABŞ dolları ödəyib. Müqayisə üçün qeyd edim ki, 2010-cu ildə prosessor nəhənginin direktoruna 15652500 dollar ödənilmişdi.

“İCTnews.az” elektron xəbər xidməti “dailycomm.ru” saytına istinadən bildirir ki, 2011-ci ildə cənab Ottelininin əsas maaşı 10% artaraq 1,1 milyon Amerika dolları təşkil edib. Bundan əlavə, o, qiymətli kağızlar şəklində 7,3 milyon dollar, birja opsionları şəklində 1,8 milyon dollar və şirkətdə nəzərdə tutulmuş həvəsləndirmə sistemi çərçivəsində pul mükafatı şəklində 6,4 milyon dollar əldə edib.

Sənəddə, həmçinin korporasiyanın bir sıra digər yüksəkvəzifəli əməkdaşları sadalanıb. “İntel”in Direktorlar şurasının sədr müavini Endi Brayant keçən il 7246300 dollar, korporasiyanın əsas maliyyə direktoru Steysi Smit 6387600 dollar və “İntel Architecture group”-un direktoru Devid Perlmutter 7082400 dollar həcmində mükafat alıblar.

EMİL

Baxış sayı: 1326