İKT

Tarix:13/04/12

Müdafiə Sənayesi Nazirliyində elektron sənəd dövriyyəsi sistemi yaradılır

Müdafiə Sənayesi Nazirliyi ixrac nəzarətinə düşən mallar üzrə xüsusi icazənin verilməsini e-xidmətlərə daxil edib. Nazirliyin aparat rəhbərinin müavini Vaqif Zeynalovun "İCTnews" elektron xəbər xidmətinə bildirdiyinə görə, artıq sözügedən xidmət istifadədədir və maraqlı şəxslər bundan yararlana bilər.

V.Zeynalov əlavə edib ki, hazırda nazirliyin daxilində elektron sənəd dövriyyəsi sisteminin yaradılması istiqamətində işlər gedir: «Bununla bağlı lazımi təkliflərimizi də vermişik.

Bəzi məsələlər həll olunduqdan sonra o sistem də işləyəcək. Yeri gəlmişkən, onu da qeyd edim ki, bizdə onlayn müraciət forması var. İstənilən adam sorğularını, təkliflərini, şikayətlərini və ərizələrini elektron qaydada göndərə bilər. Bütün bunlar interaktiv şəkildə qəbul olunur və müvafiq qaydada cavablandırılır».

SEYMUR

Baxış sayı: 1485