NRYTN

Tarix:14/04/12

Saatlının Novruzlu kəndinə Sabirabad rabitəçiləri xidmət edir

Saatlı rayonunun Novruzlu kəndinin sakinlərinə telefon rabitə xidmətini Sabirabad Telekommunikasiya Qovşağı həyata keçirəcək. Sabirabad TKQ-dan verilən məlumata görə, məlum fəlakət zamanı ziyan çəkən Saatlı rayonunun Novruzlu kəndi Sabirabad rayonuna yaxın olduğu üçün daha dayanıqlı və keyfiyyətli rabitənin təmin olunması üçün “Aztelekom” İB tərəfindən belə bir qərar verilib.

Hazırda sakinlər üçün salınan yeni Novruzlu qəsəbəsində qurulan 128 nömrə tutumlu elektron ATS qurulub. Qəsəbədə abunəçilərin mənzilləri telefonlaşdırılıb, abunəçilərin yüksəksürətli internet xidmətlərindən istifadə etməsinə şərait yaranıb.

Sabirabad TKQ tərəfindən digər kəndlərdə də rabitənin günün tələbləri səviyyəsinə gətirilməsi üçün tədbirlər görülür. Qeyd edək ki, hazırda Sabirabad üzrə telefon abunəçilərinin sayı 7 min nəfər təşkil edir. 700 nəfərdən çox abunəçi sürətli internet şəbəkəsinə qoşulub.

Baxış sayı: 1679