Tarix:19/04/12

Azərbaycan kanallarını “azerbaijans.com” saytından canlı izləmək mümkün olacaq

Azərbaycan haqqında unikal ensiklopedik məlumat bazasına çevrilən “azerbaijans.com” saytı yenilənməkdədir. Layihənin budəfəki yeniliyi ilk növbədə televiziya həvəskarları üçün nəzərdə tutulub.

Artıq Azərbaycan televiziyasının aparıcı kanallarını “azerbaijans.com” saytı vasitəsilə canlı izləmək mümkün olacaq. Bu barədə “İCTnews” elektron xəbər xidmətinə saytın redaksiyasından məlumat verilib. Mənbənin bildirdiyinə görə, saytın yaxın gələcək üçün planlaşdırılan digər yeniliyi Azərbaycan musiqiləri ilə bağlıdır.

Belə ki, bu günlərdə saytın daxilində çeşidli musiqi bazasının yaradılması və bununla da  istifadəçilərə canlı musiqi dinləmək imkanının verilməsi də nəzərdə tutulur. Bazada milli musiqimizin bütün janrları (xalq mahnıları, muğam, bəstəkar mahnıları və s.) öz əksini tapacaq.


 
HƏQİQƏT

Baxış sayı: 1741

© İstifadə edilərkən İctnews-a istinad olunmalıdır