12px13px15px17px
Tarix:20/04/12

“Azercell”in prezidenti tələbələrə liderlikdən danışıb

Xəzər UniversitetindəTərəfdaş Günü” adlandırılan maraqlı tədbir baş tutub. Universitet rəhbərliyi görüşə tərəfdaşı qismində “Azercell Telekom” MMC-ni dəvət edib.

Universitetin Neftçilər filialında əvvəlcə “Azercell”-dən gələn nümayəndə heyəti üçün tur təşkil edilib. Onlar bu nüfuzlu təhsil ocağının rektoru və rəhbər nümayəndələri ilə birlikdə universitet binası, kafedralar və laboratoriyalarla tanış olublar.

Daha sonra “Azercell Telekom” MMC-nin prezidenti cənab Ali Ağan tələbələr üçün “Liderlik” mövzusunda maraqlı məruzə etmiş və onları maraqlandıran suallara cavab verib.
Görüş zamanı şirkətin İnsan Qaynaqları departamentinin nümayəndəsi “Azercell”-də yerli kadrlar üçün inkişaf perspektivləri, xüsusilə də tələbələr üçün karyera imkanlarından ətraflı məlumat təqdim edib.

Görüşdə həmçinin, Azercellin hər il elan etdiyi Tələbə Təqaüd proqramı, təcrübə imkanları, karyera günləri haqqında təqdimat da keçirilib. Tədbirin sonunda Azercell nümayəndələri tələblərlə sual-cavab sessiyasında iştirak ediblər.

Məhz Azercell şirkətinin dəstəyi ilə ötən il Xəzər Universitetindətələbələr üçün “E-learning” otağı yaradılıb. 26 kompüterlə təchiz edilən bu otaq müasir proqram təminatı təchiz edilib. Hazırda burada İqtisadiyyat və Menecment fakültəsinin dərsləri keçirilir.

Ötən il “Azercell”-in dəstəyi ilə, həmçinin, Qafqaz Universiteti və Naxçıvan Dövlət Universitetində respublikada və bölgədə ilk dəfə olaraq 4G sınaq imkanları yaradılıb. Bundan əlavə, şirkətin Barama layihəsi də bacarıqlı gənclərin öz ideyalarını reallaşdırmasına imkan verən geniş bir məkana çevrilib.

Təhsilin inkişafı, peşəkar, savadlı kadrların yetişməsinə böyük əhəmiyyət verən “Azercell Telekom” MMC qeyri-kommersiya xarakterli, ictimai əhəmiyyətli, layihələr həyata keçirməklə Azərbaycanda akademik potensialın inkişafına nail olmağa dəstək olur.
 
 




Baxış sayı: 1666

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024