İKT

Tarix:23/04/12

Telekommunikasiya tarifləri aşağı düşüb

Cari ilin mart ayında nəqliyyat və poçt tarifləri indeksi fevral ayına nisbətən 100,3 faiz, keçən ilin müvafiq dövrünə nisbətən 97,6 faiz təşkil edib.

Dövlət Statistika Komitəsindən bildiriblər ki, telekommunikasiya tarifləri əvvəlki ayla müqayisədə eyni səviyyədə qalmış, keçən ilin yanvar-mart aylarına nisbətən isə 4,8 faiz aşağı düşüb.

Dəmir yolu nəqliyyatında 10 ton yükün 1 kilometr məsafəyə daşınmasının orta tarifi idxal üzrə 12,1 faiz, ixrac üzrə 9,6 faiz, tranzit yüklərin daşınması üzrə 4,6 faiz bahalaşmış, yerli əlaqə üzrə isə 11,3 faiz ucuzlaşmışdır. Dəmir yolu vasitəsilə sərnişindaşıma tariflərində beynəlxalq əlaqədə 1,9 faiz ucuzlaşma müşahidə olunmub.

Dəniz nəqliyyatı vasitəsilə və avtomobil nəqliyyatı ilə yükdaşıma və sərnişindaşıma tarifləri üzrə heç bir dəyişiklik müşahidə olunmamış, ay ərzində poçt tarifləri dəyişməz olaraq qalıb.

Hava nəqliyyatında MDB ölkələrinə 1 ton yükün daşınma tarifləri və sərnişindaşıma tarifləri müvafiq olaraq 0,5 və 1,5 faiz, digər ölkələrə isə sərnişindaşıma tarifləri 3,7 faiz ucuzlaşıb.Boru kəməri vasitəsilə neftin nəql olunma tarifləri 0,2 faiz bahalaşıb.

Baxış sayı: 1543