12px13px15px17px
Tarix:27/04/12

“Apple” 4 il ərzində adi texnologiya şirkətlərindən birinə çevriləcək?

“Forrester Research” şirkətində çalışan analitik Corc Koloninin fikrinə görə, əgər “Apple” korporasiyası Stiv Cobs kimi xarizmatik lider tapmasa, o zaman yaxın 4 il ərzində adi texnologiya şirkətinə çevriləcək.

“İCTnews.az” elektron xəbər xidməti “dailycomm.ru” saytına istinadən bildirir ki, Stiv Cobs dünyasını dəyişdikdən sonra özü ilə 3 bacarığı - vahid xarizmatik liderlik, riskə getmək, məhsulları yaratmaq qabiliyyətini aparıb,- korporativ bloqda ekspert yazıb. Məhz bu bacarıqlar şirkəti birləşdirir və onun qeyri-adi nailiyyətlər əldə etməsinə imkan yaradırdı.

Koloni “Apple” şirkətinin hazırkı baş direktoru Tim Kuku xarizmaya əsaslanan şirkət üçün uyğun gəlməyən "bürokratik" rəhbər hesab edir. Ekspertin fikrinə görə, "alma" imperiyasının lideri roluna “iOS” hazırlaması üzrə vitse-prezident Skott Forstall və ya dizayn üzrə vitse-prezident Conatan İve daha uyğun gələrdi.

Bununla belə, “Apple” şirkəti rekord maliyyə göstəriciləri nümayiş etdirməyə davam edir. Belə ki, 2012-ci  ilin yanvar-mart ayları dövründə şirkətin mənfəəti 11,6 milyard dollar təşkil edib. Bu göstərici keçən ilin analoji dövrü ilə müqayisədə 2 dəfə çoxdur.


EMİL
 
 




Baxış sayı: 1212

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024