İNTERNET

Tarix:02/05/12

Onlayn oyunlar bazarı 20 milyard dollaradək artıb

“J’son & Partners Consulting” analitik şirkətinin məlumatına əsasən, ötən il dünya onlayn oyunlar bazarının həcmi 23 faiz artaraq 20 milyard dollara çatıb. Bir il əvvəl göstərici 16,4 milyard dollar olub, 2013-cü ilədək isə proqnozlaşdırıldığına görə, 26,7 milyard dollaradək artacaq.

“İCTnews.az” elektron xəbər xidməti “mincom.gov.az” saytına istinadən bildirir ki, bazarda ən böyük pay ABŞ-a məxsusdur (30,5%). Yaponiya, Cənubi Koreya və Böyük Britaniya ümumilikdə olmaqla Birləşmiş Ştatların payı dünya bazarının yarısını ötür.

Kütləvi çoxistifadəli onlayn oyunlar 2011-ci ildə bazarın təxminən 68 faizini tutub. Sosial oyunlar seqmenti də artır və onların payı 30 faizə çatıb. Dünya bazarının 20 faizindən çoxu üç əsas provayderin (Blizzard, Tencent və Shanda) payına düşüb.

Ötən il onlayn oyunlarda 534 milyon nəfər iştirak edib. Ekspertlər 2013-cü ilə oyunçuların sayının 734 milyon nəfərədək artacağını proqnozlaşdırırlar.
Dünya mobil oyunlar bazarının həcmi 5,8 milyard dollara çatıb. Bu, bütün mobil kontent bazarının 20 faizi deməkdir.

EMİL

Baxış sayı: 1418