İNTERNET

Tarix:02/05/12

DİQQƏT: Hakerlər bank kartlarını radio dalğalar vasitəsilə “sındırmağı” öyrəniblər

Şəbəkə təhlükəsizliyi üzrə mütəxəssislər bildiriblər ki, radiotezlik eyniləşdirməsi funksiyasına malik bank kartlarına hakerlər tərəfindən hücum edilə bilər. Belə ki, kibercinayətkarlar hesaba artıq yalnız internet vasitəsilə deyil, həm də yaxınlıqdan xüsusi qurğu vasitəsilə giriş imkanı əldə edə bilərlər.

“İCTnews.az” elektron xəbər xidməti “pitbit.ru” saytına istinadən bildirir ki, radiotezlik eyniləşdirməsi funksiyasına malik kartların əks etdirdiyi zəif radiosiqnal istifadəçiyə onunla əməliyyat aparmağa imkan yaradır. Lakin bu radiosiqnal xüsusi haker qurğusu vasitəsilə ələ keçirilə bilər.

Mütəxəssislər qeyd ediblər ki, hələ ki belə hücumdan qorunmaq üçün xüsusi mühafizə sistemi mövcud deyil, lakin insanlar bank kartlarını folqaya bükərək onları haker hücumlarından qoruya bilərlər.

EMİL

Baxış sayı: 1311