İKT

Tarix:10/05/12

Amerikanın ən böyük müəssisələri siyahısında İT şirkətləri üstünlük təşkil edir

"Fortune" jurnalının versiyasına görə, "Apple" ən böyük Amerika şirkətlərinin reytinqində 17-ci mövqedə yerləşib. Şirkət keçən illə müqayisədə vəziyyətini 2 dəfə yaxşılaşdırıb. Texnologiya sektoru üzrə reytinqə "Hewlett-Packard" şirkəti liderlik edir. Belə ki, şirkət reytinqdə 10-cu mövqedə qərarlaşıb.

Amerikanın "AT&T" mobil rabitə operatoru reytinqdə 11-ci, "Verizon Communications" 15-ci, "Microsoft" korporasiyası 37-ci, "Dell" şirkəti 44-cü, "İntel" korporasiyası 51-ci, "Amazon" internet-şirkəti 56-cı, "Cisco Systems" 64-cü, "Google" şirkəti 73-cü və "Oracle" korporasiyası 82-ci yerdə bərqərar olub.
Qeyd edim ki, nəhəng neft-qaz korporasiyası "Exxon Mobil" və "Fortune 500" şirkəti reytinqə başçılıq edir.

EMİL

Baxış sayı: 1337