İKT

Tarix:16/05/12

Xarici ölkələrdə yaşayan azərbaycanlılar elektron qaydada müraciət edə bilərlər

Xarici ölkələrdə yaşayan Azərbaycan Respublikası vətəndaşlarının, eləcə də Azərbaycan Respublikası vətəndaşı olmayan azərbaycanlıların hüquq və azadlıqlarının pozulması halları, habelə diaspor təşkilatları tərəfindən Azərbaycan həqiqətlərinin təbliği, milli-mədəni irsimizin tanıdılması, diaspor quruculuğu ilə bağlı hazırlanmış layihələrin Diasporla İş üzrə Dövlət Komitəsinə təqdim edilməsi üçün birbaşa elektron müraciət imkanı yaradılıb.

“İCTnews” elektron xəbər xidmətinin komitəyə istinadən verdiyi məlumata görə, interaktiv olan elektron xidmət ödənişsizdir və tam avtomatlaşdırılıb. Xidmətin icra müddəti 15 gün təşkil edir. Qeyd edək ki, elektron xidmətin digər icraçısı Xarici İşlər Nazirliyidir.

CAHANGİR

Baxış sayı: 818