12px13px15px17px
Tarix:16/05/12

Serbiya Azərbaycanla İKT sahəsində əməkdaşlıq etmək niyyətindədir

Serbiya Azərbaycanla mövcud iqtisadi əməkdaşlığı genişləndirmək niyyətindədir. Elə bu səbəbdəndir ki, hazırda Bakıda keçirilən XVIII Azərbaycan Beynəlxalq Qida Sənayesi Sərgisində bu ölkənin 15-dək şirkəti iştirak edir. “İCTnews.az” elektron xəbər xidmətinin məlumatına görə, bu barədə Serbiyanın Azərbaycandakı səfiri Zoran Vayoviç bildirib.

O qeyd edib ki, Serbiya ölkəmizlə kənd təsərrüfatı, qida sənayesi, aqrobiznes, informasiya-kommunikasiya texnologiyaları, əczaçılıq və turizm kimi sahələrdə əməkdaşlıq etmək və bununla da mövcud olan iqtisadi əməkdaşlığı bir qədər də inkişaf etdirmək niyyətindədir.

İki ölkə arasında siyasi əlaqələrin iqtisadi əlaqələrdən daha çox inkişaf etdiyini bildirən səfir onu deyib ki, Serbiya iki ölkə arasında iqtisadi əlaqələri də siyasi əməkdaşlığın səviyyəsinə çatdırmaqda maraqlıdır: «Son iki il ərzində Azərbaycan və Serbiya arasında iqtisadi əməkdaşlıq kifayət qədər inkişaf edib. Lakin ticarət dövriyyəsinin həcminə baxdıqda görmək olar ki, ticarət əlaqələri istənilən səviyyədə deyil. Halbuki ticarət dövriyyəsinin artırılmasına böyük potensial mövcuddur».


SEYMUR




Baxış sayı: 847

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024