NRYTN

Tarix:25/05/12

Yeni taksofonlardan “Skype”-a da qoşulmaq mümkündür

Bakıda yeni taksofonların qurulmasının birinci mərhələsi gələn ay başa çatacaq,- Bakı Telefon Rabitəsi İstehsalat Birliyindən verilən məlumatda bildirilir. Qeyd edilir ki, paytaxtda artıq 60 yeni taksofon aparatı quraşdırılıb.Taksofon aparatları Çin, pavilyonları isə Fransa istehsalıdır.

Taksofonların köməkliyilə internetə qoşulmaq mümkündür. İstifadəçilər bu aparatlar vasitəsilə “Skype”-a da qoşula bilərlər. Bundan başqa, taksofonlardan “Bluetooth” vasitəsilə mobil telefona foto və musiqi yükləmək mümkündür.

Veb-taksofonlarda onlayn oyun və informasiya bölmələri də var. Menyu isə Azərbaycan və ingilis dillərindədir. Aparatlarda internetin 1 dəqiqəsi 2 qəpiyədir. “Bluetooth”dan bir dəfə istifadə isə 20 qəpikdir.

Şəhərdaxili zənglərin 1 dəqiqəsi 3 qəpik, ölkədaxili danışıqların 1 dəqiqəsi isə 7 qəpikdir. Mobil nömrələrlə 1 dəqiqə danışmaq 18 qəpiyə başa gəlir. İran, Türkiyə, Pakistan kimi ölkələrə zəng vuran zaman 1 dəqiqə 45 qəpiyə, BMT və Baltikyanı ölkələrə 36 qəpiyə, Avropa, Amerika və digər dövlətlərə isə 54 qəpiyə başa gəlir.

RƏVAN

Baxış sayı: 1619