12px13px15px17px
Tarix:30/05/12

Qiymətli kağızlar üzrə elektron xidmətlərin tətbiqi ilə bağlı seminar keçirilib

Qiymətli Kağızlar üzrə Dövlət Komitəsində (QKDK) «Qiymətli kağızlarla girovun dövlət qeydiyyatı, əlavə dövlət qeydiyyatı, xitamın və qiymətli kağızların girovda olub-olmaması ilə bağlı arayışın verilməsi üzrə elektron xidmətlərin tətbiqi» adlı seminar keçirilib.

“İCTnews” elektron xəbər xidmətinin məlumatına görə, seminarda QKDK-nin Aparat rəhbəri Bəxtiyar Əzizov bildirib ki, elektron xidmətlərin göstərilməsi ilə əlaqədar komitədə genişmiqyaslı işlər görülüb. Onun sözlərinə görə, artıq QKDK 50-dən çox elektron xidmət göstərir. Qurumun rəsmi saytında (scs.gov.az) bu barədə ətraflı məlumat verildiyini vurğulayan B.Əzizov deyib ki, hər bir şəxs e-xidmətlərdən yararlana bilər.

QKDK-nin sektor müdiri Kamran Əlizadə bildirib ki, komitə tərəfindən hər bir e-xidmətlər üzrə reqlamentlər təsdiq olunub və Rabitə və İnformasiya Texnologiyaları Nazirliyində qeydə alınıb: «Komitəyə elektron formada müraciət etmək üçün hər bir şəxs bizim rəsmi saytımıza daxil olaraq «Elektron xidmətlər» bölməsini seçməlidir. Buradan da «Qiymətli kağızların qeydiyyatı» bölməsinə daxil olaraq bir sıra xidmətlərdən istifadə edilə bilər».

Qiymətli kağızların girovunun elektron qaydada qeydiyyata alınması üçün hansı sənədlərin və hansı formada təqdim olunma yollarının saytda göstərildiyini önə çəkən K.Əlizadə prosesin olduqca rahat olduğunu deyib: «Bu qeydiyyatı aparmaq üçün əvvəlcə ərizə ilə müraciət olunmalıdır.

Ərizə forması da saytda yerləşdirilib. Bu formanı da istənilən vaxt saytdan endirib yükləmək mümkündür. Ərizə ilə birlikdə tələb olunan sənədləri elektron imza ilə təsdiq etdikdən sonra bizim komitəyə göndərilməlidir».

Sonra e-xidmətlərdən istifadə qaydaları və prosesin videoizahı tədbir iştirakçılarına təqdim olunub. Daha sonra isə qiymətli kağızların girovunun elektron qaydada qeydiyyata alınma prosesi əyani şəkildə göstərilib.

QKDK-nin şöbə müdiri E.Allahverdiyev isə bildirib ki, elektron qeydiyyat üçün müraciət edildikdən sonra sənədə komitədə 5 gün müddətində baxılacaq: «Bu zaman sənəddə hər hansı bir çatışmazlıq olarsa, onunla bağlı müraciət edən şəxsə məlumat verilir və şəxs sənədlərini yenidən komitəyə elektron qaydada təqdim edə bilər. Ondan sonra 5 gün müddətində bir daha sənədlərə baxılaraq qeydiyyata alınır».

E.Allahverdiyevin sözlərinə görə, elektron şəkildə müraciət etmək insanların imkanlarını genişləndirir və üstəlik, onların zamanına qənaət etmiş olur: «Burada artıq kağızla müraciət etməyə ehtiyac qalmır. Onu da deyim ki, verilən sənədi kimsə açsa, orada hərf dəyişikliyi etsə, artıq bu bilinəcək və avtomatik olaraq pozulacaq».

Tədbirdə o da qeyd olunub ki, girovun əlavə qeydiyyata alınması üçün rüsumun ödənilməsi ilə bağlı sənədin surəti və girov kağızının bir nüsxəsi təsdiq edildikdən sonra elektron fayl formasında komitənin saytına göndərilir. Bununla da müraciətə komitə tərəfindən baxılır və cavab verilir.
E.Allahverdiyev onu da əlavə edib ki, bu əməliyyatları etmək üçün mütləq elektron imzaya sahib olmaq lazımdır.
 
Seymur QASIMBƏYLİ




Baxış sayı: 591

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






21 Fevral 2020

20 02 2020

20/02/20
Kibertəhlükəsizlik mütəxəssisləri üçün beynəlxalq seminar və təlimlərə qeydiyyat başlayıb

Cari ilin 02-06 mart tarixlərində ölkəmizdə təşkil olunacaq II Beynəlxalq “Kibertəhlükəsizlik həftəsi” çə

20/02/20
“Sony” ucuz smartfonunu təqdim edib

“Sony” şirkəti ucuz “Xperia L4” smartfonunu təqdim edib.

20/02/20
"Copypaste" konsepsiyasının ixtiraçısı dünyasını dəyişib

İnterfeys və proqramlarda "kəsmək", "kopyalamaq" və "yerləşdirmək" (cut, copy, paste) kimi funksiyaların

20/02/20
“Qualcomm” smartfonlar üçün dünyada ilk 5 nanometrlik “5G” modemi təqdim edib

“Qualcomm” şirkəti üçüncü nəsil “5G” modemini (“Snapdragon X60”) təqdim edib. Bu, həm

20/02/20
Çində smartfonlara tələbat kəskin azalıb

Çində koronavirusa görə smartfonların satışı kəskin azalıb. Xəstəliyin yayılması əksər satış nöqtələrinin

20/02/20
Çin 4 eksperimental peykini uğurla orbitə çıxarıb

Çin 4 eksperimental peykini uğurla orbitə çıxarıb. Bu barədə Çinin Aerokosmik Elm və Texnika korporasiyas

20/02/20
Cənubi Koreyada ilk “Google” “bulud” regionu istifadəyə verilib

“Google” şirkəti Seulda “bulud” regionunu istifadəyə verib. Bu, şirkətin Cənubi Koreya bazarı üçün ilk,

20/02/20
Avropa Komissiyası yeni rəqəmli strategiya təklif edib

Avropa Komissiyası rəqəmli məlumatların istifadəsi və idarə olunma prinsiplərini özündə birləşdirəcək rəq

20/02/20
“Crew Dragon” raketi kosmik turistlərin orbital uçuşları üçün istifadə ediləcək (VİDEO)

Kosmik turistlərin uçuşunun təşkili ilə məşğul olan ABŞ-ın “Space Adventures” şirkəti “SpaceX” korporasiy

20/02/20
Mobil qurğular beyində dəyişikliklər yaradır

Alimlər smartfon asılılığı olan insanların beyninin forma və ölçüsündə dəyişikliklər aşkarlayıblar. Belə