Tarix:04/06/12

“Samsung” şirkəti Amerikanın mobil aparat bazarının 25 faizini tutur

“ComScore” tədqiqat şirkəti 2012-ci ilin aprel ayına olan vəziyyətə əsasən, Amerikanın mobil telefon və smartfon bazarı üzrə statistikanı elan edib.

“İCTnews.az” elektron xəbər xidməti “compulenta.ru” saytına istinadən bildirir ki, ABŞ-ın təxminən 234 milyon sakinində mobil aparat var. “Samsung” şirkəti 25,9 faiz göstərici ilə ən böyük mobil aparat tədarükçüsü olaraq qalır. Mobil aparat bazarının 19.2 faizinə nəzarət edən “LG Electronics” şirkəti ikinci yeri tutur. “Apple” korporasiyası 14.4 faiz göstərici ilə üçlüyü bağlayır.

Smartfonların populyarlığı artmağa davam edir: ABŞ-da belə qurğu sahiblərinin sayı 107 milyonu ötüb. Bu göstərici yanvarla müqayisədə 6 faiz çoxdur. “Google Android” platforması ilə işləyən smartfonların bazar payı 50,8 faiz təşkil edir. Digər platformaların bazar payı aşağıdakı kimidir:

• “Apple iOS” (31.4 faiz) ;
• “RIM BlackBerry OS” (11.6 faiz);
• “Microsoft” (4.0 faiz);
• “Symbian” (1.3 faiz).

 
ABŞ-da mobil abunəçilərin 74.1 faizi “SMS” xidmətindən istifadə edirlər. Amerikalıların təxminən 49 faizi səyyahdan istifadə edirlər.
 
EMİL

Baxış sayı: 1525

© İstifadə edilərkən İctnews-a istinad olunmalıdır