İKT

Tarix:07/06/12

“Azercell”dən abunəçilərinə daha 2 yenilik

“Azercell Telekom” MMC iki yeni kampaniyanı abunəçilərinə təqdim edir. İlk kampaniya 30 may 2012-ci il tarixindən 30 noyabr 2012-ci il tarixinədək keçirilir. “İkiqat mobil internet” kampaniyası bütün “Azercell Fakturalı Xətt” və “SimSim” abunəçilərini əhatə edəcək. Kampaniya bütün mobil internet paketlərinə şamil edilir.

Kampaniyanın şərtlərinə əsasən, 30 MB, 100 MB, 300 MB, 1GB, 5 GB və ya 15 GB həcmində mobil internet paketini sifariş edən hər bir abunəçiyə hədiyyə olaraq eyni həcmdə mobil internet xidmətindən istifadə etmək imkanı veriləcəkdir.

Digər bir kampaniya isə 7 iyun 2012-ci il tarixindən abunəçilərin ixtiyarına veriləcək. “10-luq kampaniya” adlanan bu kampaniya çərçivəsində, abunə hədiyyə olaraq “3GMax USB” modemi əldə etmək və 10 faktura dövrü ərzində hər fakturada 10 AZN ödəmək şərtilə 10GB həcmli (hər faktura üçün) mobil internet paketindən istifadə etmək imkanı qazanır. Kampaniya yalnız fakturalı xətt nömrələri üçün nəzərdə tutulmuşdur. Korporativ abunələr bu kampaniyadan 20% endirimlə, yəni 8 AZN (ƏDV daxil) ödəməklə istifadə edə biləcəklər.

Onu da qeyd edək ki, abunəçilər “İkiqat mobil internet” və ya “10-luq kampaniya”nın yalnız birindən yararlana bilərlər.

RƏVAN

Baxış sayı: 1580