12px13px15px17px
Tarix:11/06/12

Qlobal şəbəkədə yaranan trafik yüklənməsinə görə "vergi" alına bilər

Avropa Rabitə Operatorları Assosiasiyası (ETNO) “Google” və “Facebook” kimi iri internet-şirkətlərdən onların trafikinin provayderlərin şəbəkəsində yaratdığı yüklənməyə görə ödəniş almağı təklif edib.
“İCTnews.az” elektron xəbər xidməti “lenta.ru” saytına istinadən bildirir ki, “ETNO” təklifini Beynəlxalq Telekommunikasiya İttifaqına (ITU) göndərib. Layihə 2012-ci ilin dekabrına təyin edilmiş iclasda müzakirə olunacaq.

“ETNO”-nun üzvləri qeyd ediblər ki, müasir şəbəkələr üzrə böyük həcmli trafik ötürülür. Provayder isə bu trafiki təmin etmək üçün keyfiyyətli infrastruktur yaratmalıdır. Bu isə xeyli vəsait tələb edir.
Assosiasiya nümayəndələrinin fikrincə, trafiki təmin edən internet-şirkətlər infrastruktur xərclərini provayderlər arasında bölüşdürməlidir və xərclərin bölüşdürülməsi ilə bağlı müddəa beynəlxalq telekommunikasiya reqlamentinə daxil edilməlidir.

Məlumat üçün bildirək ki, qərargahı Brüsseldə yerləşən “ETNO” assosiasiyasına Avropanın 38 telekommunikasiya şirkəti daxildir.
 
EMİL




Baxış sayı: 1299

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024