İNTERNET

Tarix:14/06/12

Statistik nəşrləri əldə etmək istəyənlər elektron formada müraciət edə bilərlər

Statistik nəşrlərin əldə edilməsi ilə bağlı müraciət edilməsi və onun dəyərinin ödənilməsi haqqında qəbzin surəti elektron şəkildə qəbul olunur. İnteraktiv növlü bu xidmət ölkədə sosial-iqtisadi, ekoloji, demoqrafik vəziyyəti, elmi-texniki inkişafı, ölkə, region və sahə səviyyəsində qarşılıqlı təsərrüfat əlaqələrini, struktur dəyişikliklərini və istehsalın səmərəliliyini səciyyələndirən statistik məlumatlarla bağlı çap olunmuş statistik məcmuələrin, bülletenlərin və çap olunan digər nəşrlərin istifadəçilərə satışını əhatə edir: “Xidmət əsasında istifadəçi Dövlət Statistika Komitəsinin nəşr etdirdiyi məcmuələri komitəyə gəlmədən “http://www.azstat.org/neshrler/” ünvanında elan edilmiş qiymət üzrə haqqını ödəmək və onları poçt vasitəsilə əldə etmək imkanına malik olur”.

“İCTnews” elektron xəbər xidmətinin komitənin rəsmi internet səhifəsinə istinadən verdiyi məlumata görə, sorğunun formalaşdırılması internet ünvanında real vaxt rejimində verilmiş ərizə forması əsasında həyata keçirilir: “Ərizə formasında tələb olunan statistik nəşr seçilir.

Alıcının adı, soyadı, ünvanı, iş yeri və vəzifəsi (işlədiyi təqdirdə), elektron poçt ünvanı, statistik nəşrin göndərilməsi üçün sorğu edənin poçt ünvanı və ödəniş qəbzinin skan edilmiş surətinin yüklənməsi üçün xana nəzərdə tutulub.

Xidmət real vaxt rejimində həyata keçirilir və nəzərdə tutulmuş sorğu forması doldurulduqdan və qəbzin surəti əlavə olunduqdan sonra sorğu qəbul edilir. Müraciətin qəbulu onun statistik informasiya sistemi tərəfindən emalı vaxtına bərabərdir”.

Statistik nəşr üçün müraciət qəbul olunduqdan sonra nəşr 1 iş günü ərzində alıcının poçt ünvanına göndərilir. Bununla yanası, alıcı nəşri bilavasitə özü götürmək istədikdə nəşr onun arzusuna uyğun olaraq özünə təqdim edilə bilər.

Sorğu üçün nəzərdə tutulmuş forma tam doldurulmadıqda, ödənis qəbzinin surəti əlavə olunmadıqda, satış üçün nəzərdə tutulmuş nəşrlərin satışı başa çatdıqda sorğu avtomatik rejimdə qəbul olunmur və bununla bağlı istifadəçi ekranda müvafiq qeydi görə bilər.

Satış üçün nəzərdə tutulmuş kitab nüsxələrinin sayı başa çatdıqda istifadəçiyə məlumat verilir və onun elektron versiyasının əldə olunması üçün müvafiq imkan yaradılır. Avtomatik rejimdə nəşrin elektron versiyasının yüklənməsi üçün ünvan ekranda gostərilir.

CAHANGİR

Baxış sayı: 1461