NRYTN

Tarix:19/06/12

RRB Rabitə Administrasiyaları Rəhbərləri Şurasının növbəti iclası Azərbaycanda keçiriləcək

Regional Rabitə Birliyinin (RRB) Rabitə Administrasiyaları Rəhbərləri Şurasının ötən həftə Aşqabadda (Türkmənistan) keçirilən 46-cı iclasının yekunları üzrə RRB Rabitə Administrasiyaları Rəhbərləri Şurasının növbəti 47-ci və birlik yanında MDB iştirakçı ölkələrinin informasiyalaşdırma üzrə Koordinasiya Şurasının 18-ci birgə iclasının cari ilin noyabr ayının birinci ongünlüyündə Azərbaycanda keçirilməsi barədə qərar qəbul edilib.

Bundan başqa, iclas iştirakçıları MDB ölkələrinin rabitə və informasiya texnologiyaları sahəsində gələcək əməkdaşlığına xidmət edən geniş spektr məsələləri müzakirə ediblər.

2012-ci ilin MDB dövlətlərinin rəhbərləri tərəfindən rabitə və informasiya ili elan edilməsini nəzərə alaraq, Aşqabad iclasında təcrübə mübadiləsi, yeni əlaqələrin qurulması, rabitə və informasiyalaşdırma sahəsində qarşıya qoyulan vəzifələrin həllində vahid yanaşmaların işlənib hazırlanması ilə bağlı mütəmadi görüşlərin keçirilməsi praktikasının davam etdirilməsi, İKT sektorunun gələcək innovasiya inkişafını nümayiş etdirən milli və beynəlxalq forumlar, sərgilər və digər tədbirlərin keçirilməsi tövsiyə olunub.

Baxış sayı: 1447