İKT

Tarix:21/06/12

Azərbaycanda əcnəbilərin və vətəndaşlığı olmayan şəxslərin müraciətləri elektron qaydada qəbul olunur

“Azərbaycan Respublikasında yaşayan və müvəqqəti olan əcnəbilərin və vətəndaşlığı olmayan şəxslərin qeydiyyatının aparılması, miqrasiya proseslərinin idarə edilməsində iştirak edən dövlət orqanlarının zəruri məlumatlarla təmin edilməsi, sənədləşmə, yoxlama, sorğu və təhlil işinin avtomatlaşdırılması, o cümlədən bu sahədə elektron xidmətlərin təkmilləşdirilməsi məqsədilə Azərbaycan Respublikası Prezidentinin Fərmanı ilə Vahid Miqrasiya Məlumat Sistemi yaradılıb”.

“ICTnews” elektron xəbər xidmətinin məlumatına görə, bu barədə Rusiya Federasiyasının Moskva vilayətinin Troitsk şəhərində Müstəqil Dövlətlər Birliyi (MDB) iştirakçı dövlətlərin Miqrasiya Orqanları Rəhbərləri Şurasının on birinci iclasında DMX-nin rəis müavini, III dərəcəli dövlət miqrasiya xidməti müşaviri Pərviz Musayev deyib.

Onun sözlərinə görə, bu sistem vasitəsilə ölkədə miqrasiya proseslərinə nəzarət həyata keçirilir. P.Musayev həmçinin bildirib ki, Dövlət Miqrasiya Xidməti əcnəbilərin və vətəndaşlığı olmayan şəxslərin müraciətlərinin elektron qaydada qəbulu və baxılmasını tam təmin edib.

CAHANGİR

Baxış sayı: 1299