NRYTN

Tarix:13/07/12

Bakının ətraf kənd və qəsəbələrində sakinlər sürətli internet xidmətləri ilə təmin olunur

Bakının ətraf kənd və qəsəbələrində sakinlərin sürətli internet xidmətlərindən istifadəsi üçün Zirə və Gürgan istiqamətində fiber-optik kabel çəkilişi həyata keçirilib. Bu barədə məlumatı BTRİB-in baş direktor müavini Xankişi Kişiyev verib. Onun sözlərinə görə, hal-hazırda fiber-optik kabel çəkilişi Pirallahı istiqamətində davam edir.

Bu işlər çərçivəsində artıq 7100 m telefon kanalizasiya xətti tikilmiş, 70 ədəd quyu istismara verilib. Mərdəkan qəsəbəsində ATS-454-də genişzolaqlı internet xidmətinin tutumunun 384 port, ATS-453-də 560 port, ATS-456-da isə 712 port artırılmasına nail olunub.

Qaradağ rayonunun Lökbatan və Sahil qəsəbələrində genişzolaqlı internet xidməti tutumları uyğun olaraq 464 və 320 port artırılıb.

Sabunçu rayonu ərazisindəki Savalan, Şuşa qaçqınları, Ramana kənd və Kürdəxanı ATS-ləri rekonstruksiya olunaraq istismara verilmiş, Bakıxanov qəsəbəsində internet xidməti həcminin isə 80 port artırılması başa çatıb.

RƏVAN

Baxış sayı: 1707