İKT

Tarix:13/07/12

İyunda kompyuter və digər elektron avadanlıqların istehsalı üzrə istehsalçı qiymətləri 2,1 faiz bahalaşıb

2012-ci ilin iyun ayında kompyuter və digər elektron avadanlıqların istehsalı üzrə istehsalçı qiymətləri 2,1 faiz bahalaşıb. “ICTnews” elektron xəbər xidmətinə bu barədə Dövlət Statistika Komitəsindən məlumat verilib.

İyun ayında sənaye məhsullarının istehsalçı qiymətlərinin dəyişməsi haqqında göstəriciləri nəzərə çatdıran komitədən bildirilib ki, ötən ay qiymətlər əvvəlki aya nisbətən 11,4 faiz ucuzlaşıb. Ay ərzində mədənçıxarma sənayesi üzrə sənaye məhsullarının istehsalçı qiymətləri indeksi əvvəlki aya nisbətən 86,4 faiz təşkil edib. Bu bölmədə istehsalçı qiymətləri xam neft və təbii qaz hasilatı üzrə 13,7 faiz ucuzlaşıb. Emal sənayesi üzrə isə istehsalçı qiymətləri indeksi 99,3 faiz təşkil edib.

Bu bölmədə istehsalçı qiymətləri kağız və karton istehsalı üzrə 9,0 faiz, kimya sənayesi üzrə 2,5 faiz, neft məhsullarının istehsalı üzrə 2,2 faiz, poliqrafiya fəaliyyəti üzrə 0,8 faiz, ağac emalı və ağacdan məmulatların istehsalı və içki istehsalı üzrə 0,6 faiz, əczaçılıq məhsullarının istehsalı üzrə 0,5 faiz, rezin və plastik kütlə məmulatlarının istehsalı və elektrik avadanlıqlarının istehsalı üzrə 0,2 faiz, maşın və avadanlıqlardan başqa hazır metal məmulatlarının istehsalı və maşın və qoşquların istehsalı üzrə 0,1 faiz ucuzlaşıb, toxuculuq sənayesi üzrə 8,9 faiz, tikinti məmulatlarının istehsalı üzrə 4,4 faiz, qida məhsullarının istehsalı üzrə 0,6 faiz, metallurgiya sənayesi və mebel istehsalı üzrə 0,5 faiz bahalaşıb.

HƏQİQƏT

Baxış sayı: 1248