İKT

Tarix:19/07/12

“IBM” illik proqnozunu yenidən nəzərdən keçirib

“IBM” korporasiyası illik proqnozunu yenidən nəzərdən keçirib. Buna səbəb dərc edilmiş rüblük nəticələrin proqnozlardan yuxarı olması olub. Şirkətin yenidən baxdığı proqnoza əsasən, cari ildə əməliyyat gəliri 1 səhm üçün ən azı 15,10 dollar təşkil edəcək.

“ICTnews.az” elektron xəbər xidməti “cybersecurity.ru” saytına istinadən bildirir ki, hesabat rübündə şirkətin mədaxili 1 səhm üçün 3,51 dollar təşkil edib.

Şirkətin baş direktoru Virciniya Rometti hazırda strateji planın həyata keçirilməsinə doğru hərəkət edir. Bu plana əsasən “IBM” korporasiyası öz mənfəətinin təxminən yarısını proqram təminatından qazanacaq, çünki bu istiqamət server satışlarından daha gəlirlidir.

EMİL

Baxış sayı: 781