İKT

Tarix:23/07/12

Dünyanın 500 ən bahalı şirkəti reytinqində lider dəyişikliyi baş verib

“Apple” korporasiyası “FT Global 500” bazar kapitallaşdırması üzrə tərtib edilən dünyanın ən iri şirkətlərinin reytinqində çoxillik lider – “ExxonMobil” neft-qaz şirkətini ötərək birinci yerdə qərarlaşıb. Reytinqi hər il təşkil edən “The Financial Times”-in məlumatına əsasən, “iPhone” və “iPad” istehsalçısının bazar qiyməti keçən il 559 milyard dollar, “ExxonMobil”-də isə 408,8 milyard dollara bərabər olub.

“ICTnews.az” elektron xəbər xidməti “lenta.ru” saytına istinadən bildirir ki, “ExxonMobil” şirkəti hazırkı reytinqdə ikinci yerdə və Çinin “Petrochina” şirkəti (278,97 milyard dollar) isə üçüncü yerdə qərarlaşıb.

“FT” qeyd edib ki, dünyanın 500 ən iri korporasiyasının ümumi kapitallaşdırması ötən il ərzində 3.6 faiz azalaraq 25,3 trilyon dollar təşkil edib. Banklar ümumi kapitallaşdırma üzrə birinci yerdə, neft-qaz şirkətləri isə ikinci yerdə qərarlaşıblar.

EMİL

Baxış sayı: 1374