İKT

Tarix:26/07/12

İngiltərədə olan “Azercell” abunəçiləri xüsusi endirimlə danışacaq

"Azercell" 27 iyul – 12 avqust tarixlərində Londonda keçiriləcək Olimpiya və 29 avqust – 9 sentyabr tarixlərində keçiriləcək Parolimpiya oyunları münasibətilə rouminq qiymətlərində xüsusi endirim elan edir. Belə ki, 25 iyul -15 sentyabr 2012-ci il tarixləri arasında İngiltərədə olan "Azercell" abunəçiləri "Vodafone UK" mobil operatorunun şəbəkəsinə qoşulub güzəştli tariflərdən yararlana bilərlər.

"Azercell" Fakturalı xətt abunəçiləri rouminqdə olarkən bütün istiqamətlərə 1 dəqiqəsi cəmi 1 AZN tarifi ilə danışacaqlar. Bu zaman bütün istiqamətlərdə SMS-lər 10 qəpik, istifadə olunan hər 1MB internet isə 1 AZN tarifi ilə hesablanacaq.

Güzəştlər Fakturasız xətt abunəçilərini də əhatə edir. "Sim-Sim" abunəçiləri bütün istiqamətlərdəki zənglərin dəqiqəsinə görə 1 AZN, daxil olan zənglər üçün 50 qəpik ödəyəcəklər. 1 SMS-in qiyməti 10 qəpikdir.

Bu kampaniya London Olimpiadasına qatılan "Azercell" abunəçilərinin hər kəslə daha rahat və sərfəli mobil rabitə qurmasına imkan verəcək.

Fakturalı xətt:

Xidmətin növü	Ölçü vahidi	Xidmət haqqı AZN (ƏDV daxil)
Bütün istiqamətlərə zəng	Hər bir dəqiqə	1,00
Bütün istiqamətlərə SMS	Bir ədəd	0,10
GPRS	Hər bir MB	1,00

Fakturasız xətt:

Xidmətin növü	Ölçü vahidi	Xidmət haqqı AZN (ƏDV daxil)
Bütün istiqamətlərə zəng	Hər bir dəqiqə	1,00
Daxil olan zənq	Hər bir dəqiqə	0,50
Bütün istiqamətlərə SMS	Bir ədəd	0,10