12px13px15px17px
Tarix:27/07/12

Fərdi sahibkarların elektron qeydiyyat sistemi müsbət nəticələr verir

Azərbaycan Respublikası Prezidenti İlham Əliyevin “Dövlət orqanlarının elektron xidmətlər göstərməsinin təşkili sahəsində bəzi tədbirlər haqqında” fərmanının icrası ilə bağlı biznesin qeydiyyatı prosesi sahəsində son illərdə aparılan radikal dəyişikliklərdən biri ötən ildən tətbiqinə başlanılmış fərdi sahibkarların elektron qeydiyyat sistemidir. Həyata keçirilən işlər nəticəsində sistem  öz müsbət nəticələrini verməkdədir.

Belə ki, 2012-ci ilin birinci yarısında qeydiyyatdan keçmiş 34.373 fərdi sahibkardan 22.624-nün  (65,8 faizi) elektron qaydada təqdim etdiyi ərizəyə əsasən VÖEN verilib. “ICTnews” elektron xəbər xidmətinə bu barədə Vergilər Nazirliyindən məlumat verilib.

Nazirlikdən bildirilib ki, cari ildən bir sıra qanunvericilik aktlarına dəyişiklik edilərək yerli investisiyalı məhdud məsuliyyətli cəmiyyətlərin elektron dövlət qeydiyyatına start verilib: “İyul ayının 1-dək 75 hüquqi şəxsin qeydiyyatı bu üsulla aparılıb.

Vergi orqanlarında qeydiyyata durmadan sahibkarlıq fəaliyyətini həyata keçirən şəxslərin və təsərrüfat subyektlərinin (obyektlərinin) uçota alınması üçün vergi orqanları tərəfindən həyata keçirilmiş tədbirlər nəticəsində 360 şəxs Vergi Məcəlləsinin 33-cü maddəsinə əsasən vergi uçotuna alınıb”.
 
HƏQİQƏT




Baxış sayı: 1585

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024