İKT

Tarix:01/08/12

Qiymətli Kağızlar üzrə Dövlət Komitəsi təqdim etdiyi e-xidmətləri təkmilləşdirməyi planlaşdırır

Qiymətli Kağızlar üzrə Dövlət Komitəsi (QKDK) artıq bütün elektron xidmətləri aktivləşdirib. Hazırda Komitə əhaliyə təqdim etdiyi e-xidmətlərin daha da təkmilləşdirilməsini planlaşdırır.

Bu barədə "ICTnews.az" elektron xəbər xidmətinə QKDK-nin mətbuat xidmətinin rəhbəri Çingiz Hüseynov məlumat verib. O bildirib ki, Nazirlər Kabineti tərəfindən QKDK üçün müəyyənləşdirilən bütün elektron xidmətlər artıq əhalinin istifadəsinə verilib.

Onların istifadəsində də heç bir maneə yoxdur: «Hazırda bizim komitədə həmin elektron xidmətlərin daha da təkmilləşdirilməsi, istifadəsinin daha da asanlaşdırılması və bu istiqamətdə daha hansı addımların atılması barəsində düşünülür və çalışılır ki, ölkə vətəndaşlarının e-xidmətlərdən istifadəsinin sayı artsın. Bunun üçün də lazım olan bütün tədbirlər görülür».

SEYMUR

Baxış sayı: 1286